تصليح الفلاش ممورى

[ندعوك للتسجيل في المنتدى أو التعريف بنفسك لمعاينة هذه الصورة]

نسخة جديدة منقحة و مختصرة
لمشاهدة النسخة الأصلية من [ندعوك للتسجيل في المنتدى أو التعريف بنفسك لمعاينة هذا الرابط]
موضوع مهم ذو صلة من [ندعوك للتسجيل في المنتدى أو التعريف بنفسك لمعاينة هذا الرابط]ــ [ندعوك للتسجيل في المنتدى أو التعريف بنفسك لمعاينة هذا الرابط] ـ

أخواني
بعد الملل الذي حدث من الموضوع الاصلي و بعد السماح باستعمال برنامج chipgenius و بعد استشعار ارتباك البعض في الموضوع رايت انه يجب الاختصار غير المخل ان شاء الله و لذلك لتعم الفائدة مع بقاء الموضوع الاصلي لمحبي الاستزاده
بسم الله أبدأ

* إيه الفرق بين كل الحلول السابقه و الحل الجاي؟؟؟!!!!!

تخيل لو إنك عندك ويندوز و حصل فيه قلق يعني لعب في الريجستري علي كام فيرس علي ملفات سيستم ناقصه علي كل اللي يجي علي بالك و الجهاز قارفك اخر قرف ايه الحل في الحاله دي ؟؟
طبعا واحد هيقولك ستب الكاسبر ــ اكيد من اللي بيحبوه ـــ يجيلك واحد من اللي بيكرهوه و يقولك نود و التالت افيرا و الرابع يقولك الهاي جاك اولا و هتقعد أخي الكريم ترقع في النسخه من هنا و من هنا و يا عالم ممكن الحلول تظبط و ممكن لا

طيب ايه الاريح؟؟ انك تفرمت و تسطب ويندوز من جديد طالما هاردوير الجهاز سليم و عندك نسخه ويندوز نضيفه فرمت و اتكل و انسي كل المشاكل دي دا تقريبا الحال مع الفلاش كل فلاش عليه برنامج بيحدد ماركته و سعته و قابليه الكتابه و كل شئ خاص بالفلاش أيوة مظبوط اسمه firmware و بيبقي موجود علي حاجه اسمها شيبchip دا في المثال بتاعي يقابل الويندوز و في جزء من الفلاش اسمه الروم او الذاكرة memoryو دا اللي انت بتحط الملفات عليه و دا ممكن نسيمه في المثال بقيت الهارد و القلق اللي عليه
كل الحلول السابقه بتلعب علي الذاكرة يعني مثلا انت عاوز تفرمت الفلاشه الامر تنفيذه بيتم علي الروم بس لازم الfirmware هو اللي ينفذ طيب امتي تنفع الحلول دي لو الفيرم وير كويس و المشكلة في الروم طيب ايه اللي يحصل لو الفيرم نفسه او الشيب هو اللي باظ او ببيبوظ طبعا انسي مش هتعرف تطبق امر واحد علي الروم

الفرق بين الحل ده و اخواته ان الحل ده ببساطه بيتعامل ابتداء مع الشيب هنفرمت الشيب—يعني هنشيل الويندوز—و بعد ما نزل شيب جديد نقوله فرمت و بس
أتمني تكون الفكرة وصلت طيب ازاي دا هيحصل هنشوف

** Chip part number
طبعا عقلا مش معقول كل الفلاشات باختلاف ماركتها و موديلاتها ليها شيب واحد كل فلاشه ليها اللي يخصها و خلي بالك مش كل ماركة نظام شيباتها واحد كل فلاشه علي حده

فالمطلوب دلوقتي نحدد نوع الشيب و رقمه ودي وظيفه برنامج

[ندعوك للتسجيل في المنتدى أو التعريف بنفسك لمعاينة هذا الرابط]

132 كيلو بس مفتاحك لفلاشتك و مايغركشي حجمه يا ما مشاكل كانت حلولها في برامج اصغر من كده
دي صورة البرنامج

[ندعوك للتسجيل في المنتدى أو التعريف بنفسك لمعاينة هذه الصورة]

اهم حاجه الجزء المظلل دي النقطة المحورية الاساسيه
و برضه

عرفنا ان الفلاشه كينجستون الفيد بتاعها 0951 و البيد 1613
وده هينفع لو هتدور في النت بس حاليا اهم حاجه chip part number

في الطريقه القديمة كنا باستعمال البيد و الفيد بنحاول نوصل ليه بس دلوقتي الوصول له مباشر باستعمال البرنامج الصيني ده

الخطوة التاليه تنزيل الفيرم وير المناسب من الموقع و هو روسي علي فكرة

[ندعوك للتسجيل في المنتدى أو التعريف بنفسك لمعاينة هذا الرابط]

و انا هنا خليت العرض حسب نوع الشيب
أولا نختار نوع الشيب

[ندعوك للتسجيل في المنتدى أو التعريف بنفسك لمعاينة هذه الصورة]

مثلا هختار usbest
و بعدين نختار البرنامج حسب part number

[ندعوك للتسجيل في المنتدى أو التعريف بنفسك لمعاينة هذه الصورة]

و عادي جدا تلاقي كذا اصدار لنفس الشيب غالبا بتاخد الاحدث
مثلا انا اخترت ut165 و بعد الدخول لصفحته
[center][ندعوك للتسجيل في المنتدى أو التعريف بنفسك لمعاينة هذه الصورة]

دوس علي السهم هتجيلك صفحه تانية زي دي
[/center]
[ندعوك للتسجيل في المنتدى أو التعريف بنفسك لمعاينة هذه الصورة]

عشر ثواني و يبدا التحميل و لو مبدأشي ممكن تدوس علي السهم

طريقه عمل البرامج بتختلف ذكر في الموضوع كذا طريقه لكذا شيب
ممكن تقلب في الموضوع او تشارك مع رفع صورة للبرنامج الصيني

الطريقه مجربة و فعالة و بتحل مشاكل كتيير زي محمي ضد الكتابة و تقلص المساحه او انخفاضها للصفر و ال raw format و غيرها كتيير

ودا يعتبر الجزء الاول من الموضوع و طلب الغالبيه ان الفلاشه تتفرمت تاني و خلاص
انما بما اننا هنزل فيرم ويير جديد دا ممكن يدي تحكمات تانيه و اختيارات خياليه بالنسبه للفلاشه
*** طيب أن فلاشتي سليمه ليا في الليله دي؟؟!
هوالعنوان تصليح الفلاش بس لو فلاشتك سليمه ممكن برضه تتحكم فيها طالما اتحكمت في الشيب يعني ممكن تقسمها كذا حته ممكن نعمل عليها حمايه علشان الفيروسات ممكن نجعل جزء منا سي دي روم حاجات كتير التفصيل بقي في الموضوع الاصلي من [ندعوك للتسجيل في المنتدى أو التعريف بنفسك لمعاينة هذا الرابط]

ملحوظة هامه
يفضل عمل نقطة استعادة للنظام قبل تحميل البرنامج الخاص بالفلاشه لانه في بعض الحالات تختفي ايقونه ازالة الفلاش من جوار الساعه safely remove و عموما برنامج يقوم بنفس الغرض من[ندعوك للتسجيل في المنتدى أو التعريف بنفسك لمعاينة هذا الرابط]

و أنصح بشدة و بعنف بقراءة النسخة الاصلية و موضوع احذروا من الفلاشات المضروبة فعلا مهم

تم بحمد الله تعالي
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» وداعاً لنقل الفيرس عن طرق الفلاش ميموري منقول
» مفاجاة برنامج eBoostr يحول الفلاش ميمورى الى رام اضافية فى الجهاز